චන්දන ගුණසේකර - Chandana Gunasekera

අතීනය ඉක්මවා දකින අනාගතයක් උදෙසා සිය වර්මාතනය කැප කරන සාහිත්‍ය පරපුරක් තවමත් අපට ඉතිරිව තිබීම මහත් සහනයකි. එවැන්නෝ සැබැවින්ම මානව හිතවාදිහු වෙති. එවන් පරපුරක ආභාසය ලබමින් බිහිවන නව පරපුරක් ද අපට මහත් ආස්වාදයක් ගෙන දෙයි. චන්දන ගුණසේකර ද එවැන්නෙකි. රජරට ඉපිද පේරාදෙණිය විශ්වවිද්‍යාල කඩඉම පසු කළ ඔහු නිරතුරුව මෙරට ජන ජීවිත මෙහෙවර වෙනුවෙන් නිහඬවම කැපවූවෙකි. පෙර අපරදිග පොතපත පරිවර්තන කාර්යට ද පිවිසි චන්දන තමා දරාගත් නැවුම් සාහිත්‍ය රස නිරවුල්, නවමු බසකින් බෙදා දෙන්නට තරම් අපූර්ව නිර්මාණ ශක්තියක් උරුම කර ගත්තෙකි. 2019 වර්ෂයේ "අවුෂ්විට්ස් හි පච්ච කොටන්නා" නම් සිය ප්‍රථම පරිවර්තන කෘතියෙන්ම මෙරට සුවහසක් සාහිත්‍ය ලෝලීන්ගේ සිත් දිනුවෙකි. ඔහුගේ පන්හිඳෙන් නැගෙන ලොව නෙක මතක වේදනාවන් මතු දිනක මෙරට සාහිත්‍ය නම් රන් දෙවොලට සුවිසල් ආලෝක කදම්බයක් ගෙනෙනු නොඅනුමානය.