උපාලි කන්නන්ගර - Upali Kannangara

පළාත් පාලනය, අධ්‍යාපනය, භාෂා පරිවර්තනය, පරිපාලනය යනාදි ක්ෂේත්‍ර ගණනාවක වෘත්තියෙහි යෙදී හුන් මොහු දැඩි ලෙසින් සිංහල භාෂාවට ආදරය කරන්නෙකි. ඩෙයිවිඩ් ස්කාවු. බ්රූක් සෑඩලර්, ෂර්මන් මෑකෝමික් වැනි ඇමෙරිකා ජාතික ගුරුවරුන් ගෙන් ලද අධ්‍යාපනය නිසා ඉංගිරිසිය ගැන මනා දැනුමක් ඇත්තෙකි. ඉංගිරිසිය මවුබස ලෙසින් භාවිත වන රටවල සංස්කෘතිය පිළිබඳ ව ද තම රටෙහි සංස්කෘතිය පිළිබඳ ව ද ඔහුට ඇති දැනුම සිය පරිවර්තන කටයුතු සඳහා ඔහුට බෙහෙවින් ආධාර වෙතැයි සිත්. දයාබර බිරියට ආදරණීය සැමියකුත් ළබැඳි පුතණුවන් 4 දෙනාට සහ දියණියන් හට කාරුණික පියකුත් වන හෙතෙම සිය ගම් පියෙසට වී නිහඬ දිවියක් ගත කරයි. 'මාව කොනිත්තා-ගත හොත් මට රිදෙනා බව මා දන්නා බැවින්, අන්‍යයන් කෙනිත්තීමෙන් මා වැළකී සිටිනවා.' යනු ඔහු ගේ ප්‍රතිපත්තිය යි.