ලිලැක් පිපෙන්නේ කාලයක් ගිහින් බව අප කලින්ම යේෂ්ට කියා ඇත. මේ ලයිලැක් ලෙසින් සිදුවෙමින් පවතින්නේ එයයි. ආයෙ තවත් ලිලැක් එකක් නම් එපා කියා යේෂ්ට කියන්නට හිත හිතා ඉන්නා විට යේෂ් ලයි ලැක් ලියා තිබේ. එය අප අමාරුවේ දමන, මම ද නොවේ වෙන කෙනෙකුන් ද නොවේ වර්ගයේ වැඩකි. ඒ සියුම් ලෙස ගැලවී යෑම හරියට යේශ්ගේ කවියක් වගේය.
පිදුම, පිරිනැමීම වැනි ලස්සන වචන තියෙද්දි ඩිවෝටය කියා ලියන්නේ අසවල් එකකටදැයි කෙනෙකුට සිතෙන විට ඒ සිතිවිල්ල වෙනුවෙන් දීමනා පැකේජයක් යෝජනා කර, ඒ බව බැනරයක ප්රදර්ශනය කළයුතු බව මට සිතේ.
ඇය සිංහල තරහ කරගන්නේ නැතිව ඉංග්රීසි යාළුකරගන්නා හැටි බලන්න ලස්සනයි. ඇය රස මුසු කවි ලෝකයට බස මුසු කවි රටාවක් නිර්මාණය කරමින් සිටින්නීය. එයින් අප හැඟුම්බර වන්නේ රසවත් සිංහල බසෙන් ලියැවෙන කවිවලින් වගේම බව අපගේ හැඟීමයි. වැඩි කාලයක් නොගිහින්ම අපේ තාරුණ්යය යේෂ්ගේ දම්පාට කවි වලින් පෙම් පාට වනු ඇති බව මට සිතේ.
මම යේෂ්ව කොපි කරමින් මෙහෙම ලියමි යේෂ්ගේ කවි ඇන්ජලෝ මැතිව්ස් මය දම් පැහැයෙන් යුතුය. දැන් ඔබ යේෂ් දෙස බලන්න. කවියේ පාටෙයි යේස්ගෙ පාටෙයි වෙනසක් නැහැ නේද? ඔව්. එය කලාතුරෙකින් සිදුවෙන ආශ්චර්යයකි.