පෞරාණික භාණ්ඩ ආනයන හා අපනයන සමාගමක සේවයේ නියුතු රන්වන් පැහැ කේශ කලාපයකින් යුත් සුන්දර යුවතියක වන ඩයනා ඩග්ලස්ගේ සොහොයුරා රිය අනතුරකින් මරණයට පත් වන්නේ අවාසනාවන්ත අයුරිනි. සිය සොහොයුරා සූදු අන්තුවන් සමඟ කිසියම් ගනුදෙනුවකට පැටළී ඇතැයි යන සැකය ඇයගේ සිතේ ජනිත වන්නේ සොහොයුරු එඩ්ගාර්ගේ නිවසේ තිබී ඩොලර් පන්දහසක මුදලක් හමුවීමෙන් පසුවය. එම සූදු ඔට්ටුකරුවන් පසු පස හඹා යන ඇයට පසුව සූදු අන්තුවකු හා ගණිකා ව්යාපාරිකයකු වන මොරේ කසෙල් නම් තැනැත්තාගේ ඝාතනය සම්බන්ධ චෝදනාව එල්ල වෙයි. සුප්රකට රහස් පරීක්ෂක නීතිඥ පෙරී මේසන් මහතා ඇතුළු පිරිසට ඇයගේ නිර්දෝශීභාවය සනාථ කිරීමට හැකි වේද? මේ එම ත්රාසජනක කථා පුවතය.